هادا واحد الولد ساقط ورا النتيجة ديالو لباه. عطاه باه قتلة ديال العصا وقال ليه يا الكسول أشنو كنتي كتدير ملي كانو قرانك كيقراو
منين كمل معاه جات نوبة خوه. ورا لباه النتيجة اللي مكفسة بحالها بحال ديال خوه. شاف فيها باه وهو يقول ليه: سير أولدي الله يهديك، ولكن العام الجاي خاصك تدير حسن من هاكا.
الولد اللي كلا العصا بغى يحماق ما فهمش القضية كيدايرة. وهو يسول خوه: كيفاش زعما بجوجنا ساقطين وأنا ناكل العصا ونتا لا؟
قال ليه خوه: حيت حطيت ليه مية درهم ف وسط النتيجة
*********************
لفروج قال للدجاجة: أشنو فايدة اللي كيبيض البيض للناس باش ياكلوه؟
قالت ليه الدجاجة: إيوا بعدا حسن من اللي كيودن وما كيصليش
***********************
هادو جوج غاديين ف الغابة وهو يخرج ليهم سبع. ناض اللول ضرب السبع بحجرة كبيرة وهرب كيجري. شوية وهو يتلفت وراه وبان ليه صاحبو كاع ما كيجريش. قال ليه: وا مالك أصاحبي ماكتجريش؟
جاوبو صاحبو: وعلاش نجري؟ مالي أنا اللي ضربتو؟
*************************
هادا واحد مشى لهولندا و ماتيعرفش الهولندية، يالله تايعرف صباح الخير هي الداخ. وصل تماك بالليل وناض الصباح بكري تيدور بوحدو وتيتسنى يدوز شي واحد باش يقول ليه الداخ. شوية دازت واحد النصرانية وسبقاتوا قالت لو الداخ. معرفش باش يجاوبها وقاليها دردلاخ
موضوع: دائما الجديد نكت مغربية 