كاليك هدا واحد الراجل تزوج بواحد المرا .
من بعد 10 سنين من زواجهم كالت المرا لراجلها :
-علاش مانحتافلوش بمناسبة مرور 10 سنين من بعد زواجنا ؟ وندبحو شي 2 حوالا ؟
كاليها الراجل :
- شنو الذنب ديال 2 حوالا فخطأ ارتكبو حمار ؟
--------------------------------------------------------------------------------
كاليك هدا واحد الراجل تزوج بواحد المرا .
النهار الأول دارتلو البقولة للغدا.
النهار الثاني دارتلو الخص .
النهار الثالث دارتلو الفصة (ربيع).
النهار الرابع كاتلو :
أشندير للغدا ؟
كاليها الراجل :
-ما ديري والو غادي نخرج نرعا راسي .
--------------------------------------------------------------------------------
كاليك هدا واحد الراجل خدا واحد لمرا ملتزمة "زعما" ديما كادير لراجلها البيض
مسلوق للغدا .واحد النهار كال لمرتو :
- شنو الدور ديال دوك 2 كوكوطات (طنجرة الضغط) لي عدنا فالدار إدا كنتي
كاديري غالبيض مسلوق؟
كاتليه :
- الكوكوط كاتصفر و التصفار حرام .
كاليها الراجل :
-سيري ا بنت الناس لدار باك حتى يختارعو شي كوكوط ... !
--------------------------------------------------------------------------------
كاليك هادو واحد 2 دريات عايقات . كانو غاديين و هوما يشوفو واحد
الكسيدة (الله يحفظنا و يحفظكم )و هي تكول الأولى لصاحبتها :
"il est resté dans moi " زعما بقا فيا (على هداك لي مات ).
و هي تكوليها لخرى :
"oh la bibliotheque sur lui" زعما مكتابة عليه.
موضوع: أقدم لكم اليوم مجموعة من النكت المغربية 
